اسلام آباد میں خود کش دھماکا، ایک پولیس اہلکار شہید

وفاقی دارالحکومت اسلام آباد میں خود کش دھماکے سے ایک پولیس اہلکار  شہید اور 3 زخمی ہو گئے۔ ریسکیو ذرائع کے مطابق دھماکا اسلام آباد کے علاقے آئی ٹین فور کے علاقے میں ہوا۔

پولیس حکام کا اس حوالے سے بتانا ہے کہ گاڑی کی تلاشی کے دوران گاڑی میں موجود دھماکا خیز مواد پھٹ گیا، ابتدائی اطلاعات کے مطابق دھماکا خودکش تھا۔ ذرائع کے مطابق جب پولیس نے ایک ٹیکسی کو تلاشی کے لیے روکا تو زوردار دھماکا ہو گیا، دھماکے میں 4 پولیس اہلکار  زخمی بھی ہوئے جنہیں پمز اسپتال منتقل کیا گیا۔ بعد ازاں پولیس حکام نے تصدیق کی ہے کہ دھماکے میں ایک پولیس اہلکار کے شہید ہونے کی تصدیق کر دی۔ دھماکے کے فوری بعد قانون نافذ کرنے والے اداروں کے اہلکاروں نے جائے وقوعہ کا محاصرہ کر کے علاقے کو گھیرے میں لے لیا ہے۔