اوپن مارکیٹ میں امریکی ڈالر مزید 7 روپے سستا

کراچی: اوپن مارکیٹ میں امریکی ڈالر مزید 7 روپے سستا ہو گیا۔

یاد رہے کہ گزشتہ روز اوپن مارکیٹ میں ڈالر 5 روپے سستا ہونے کے بعد 323 روپے پر بند ہوا تھا۔

آج اوپن مارکیٹ میں امریکی ڈالر مزید 7 روپے سستا ہو کر 316 روپے کا ہو گیا ہے۔

گزشتہ روز ایک پروگرام میں گفتگو کرتے ہوئے چیئرمین ایکسچینج کمپنیز ایسوسی ایشن ملک بوستان کا کہنا تھا بلیک مارکیٹ کے کارندے ہمارے کلائنٹس کو راستے میں روک کر ہم سے زیادہ ریٹ آفر کرتے تھے جس کی وجہ سے ہماری سپلائی متاثر ہوئی۔

ملک بوستان کا کہنا تھا کریک ڈاؤن کی وجہ سے آج ڈالر اوپن مارکیٹ میں 317، 318 تک آگیا تھا، اس میں مزید کمی آئے گی۔