لاہور میں گندم، آٹا اور مرغی کا گوشت پھر مہنگے ہوگئے

لاہور: مارکیٹ میں گندم کی قیمت میں ایک بار پھر اضافہ ہوگیا۔

مارکیٹ ذرائع کے مطابق قیمت میں اضافے کے بعد گندم 4200 روپے سے بڑھ کر 4600 روپے فی من فروخت ہونے لگی جس کے باعث چکی مالکان نے آٹا 150 روپے فی کلو بیچنا شروع کردیا ہے۔

مارکیٹ ذرائع کا بتانا ہےکہ دکانوں پر کمرشل آٹے کا 15 کلو کا تھیلا 1800 روپے کا ہوگیا ہے جب کہ شہر کی کئی دکانوں پر آٹا دستیاب نہیں ہے۔

دوسری جانب لاہور میں مرغی کا گوشت بھی 540 روپے کلو فروخت ہورہا ہے۔