پی ایس ایل 10: ڈرافٹ کیلئے انٹرنیشنلز کرکٹرز کی کیٹیگریز سامنے آ گئیں
پاکستان سپر لیگ کے دسویں ایڈیشن کے ڈرافٹ کے لیے غیر ملکی کھلاڑیوں کی کیٹیگریز سامنے آگئی ہیں ۔
پی ایس ایل 10 کا ڈرافٹ 11 جنوری کو شیڈولڈ ہے جس کیلئے پی سی بی نے گوادر میں ڈرافٹ کرانے کا اعلان کیا ہوا ہے لیکن لاجسٹک مسائل کے باعث اب ڈرافٹ لاہور میں کرانے کا پلان ہے جس کا باضابطہ اعلان جلدکیا جاسکتاہے ۔
دوسری جانب پی ایس ایل ڈرافٹ کے لیے غیر ملکی کھلاڑیوں کی کیٹیگریز سامنے آ گئی ہیں، ڈرافٹ کے لیے آسٹریلیا کے ڈیوڈ وارنر ، میتھیو شارٹ ، شان ایبٹ ،کرس لین ، عثمان خواجہ، بنگلادیش کے مستفیض الرحمان، مجیب الرحمان، شکیب الحسن،نیوزی لینڈ کے مارک چیپمین، ڈیرل میچل، ایڈم ملن، ٹم ساؤتھی،مائیکل بریسویل، سری لنکن کرکٹر کوشال مینڈس، انگلینڈ کے ڈیوڈ ویلے، زیک کرالی ، جیسن رائے اور ایلیکس ہیلزپلاٹینیم کیٹیگری میں شامل ہیں۔
پلاٹینیم کیٹیگری میں 40 غیر ملکی کھلاڑی شامل ہیں جب کہ 6 غیر ملکی کھلاڑی صرف پلاٹینیم کیٹیگری میں ہی منتخب ہونے کے لیے دستیاب ہیں۔
دیگر کھلاڑی پلاٹینیم میں منتخب نہ ہونے کے بعد ڈائمنڈ اور گولڈ میں بھی دستیاب ہیں جب کہ آسٹریلیا کے وکٹ کیپر بیٹر ایلیکس کیری ڈائمنڈ کیٹیگری کا حصہ ہیں۔
ڈائمنڈ کیٹیگری میں 87 غیر ملکی کھلاڑی پی ایس ایل ڈرافٹ کے لیے دستیاب ہیں، گولڈ کیٹیگری میں 165 غیر ملکی کھلاڑی پی ایس ایل 10 ڈرافٹ کے لیے رجسٹر ہو ئے ہیں۔