عدلیہ سوشل میڈیا کو ریگولیٹ کرنے کیلئے کی جانیوالی قانون سازی منظور ہونے دے: رانا ثنااللہ

اسلام آباد: وزیراعظم کے مشیر برائے سیاسی امور رانا ثنا اللہ نے کہا ہے کہ حکومت سوشل میڈیا کو ریگولیٹ کرنے کے لیے جس طرح کی قانون سازی چاہتی ہے عدلیہ اسے منظور ہونے دے۔

ایک نیوز پروگرام میں گفتگو کرتے ہوئے  راناثنااللہ نے کہا کہ وہ معزز جج صاحبان سے اپیل کریں گے کہ وہ سوشل میڈیاکو اہمیت نہ دیا کریں۔

انہوں نے کہا کہ حکومت سوشل میڈیا کو ریگولیٹ کرنے کے لیے جس طرح کی قانون سازی چاہتی ہے  عدلیہ اسے منظور ہونے دے۔

راناثنااللہ کا کہنا تھا کہ اس وقت سوشل میڈیا سے متعلق جو قوانین فیلڈ میں موجود ہیں ان میں اتنا دم نہیں ہے۔