صدر آصف زرداری نے فنانس ترمیمی بل 2024 کی منظوری دیدی
صدر مملکت آصف علی زرداری نے فنانس ترمیمی بل 2024 کی منظوری دیدی۔
ذرائع کے مطابق قومی اسمبلی سیکرٹریٹ کی جانب سےگزشتہ روز فنانس ترمیمی بل 2024 ایوان صدر کو بھجوایا گیا تھا۔
ایوان صدر کی طرف سے جاری کیے جانے والے اعلامیے کے مطابق صدر مملکت نے وزیراعظم کی ایڈوائس پر آرٹیکل 75 کے تحت فنانس بل کی منظوری دی، فنانس بل یکم جولائی 2024 سے نافذ العمل ہو گا۔
یاد رہے کہ قومی اسمبلی نے دو روز قبل اسپیکر ایاز صادق کی زیر صدارت ہونے والے اجلاس میں 18 ہزار 887 ارب روپے کا وفاقی بجٹ منظور کیا تھا۔
سنی اتحاد کونسل اور دیگر اپوزیشن جماعتوں نے فنانس بل 2024 کی مخالفت کی تھی۔