ایف بی آر کی تاجر دوست ایپ میں 23 ہزار سے زائد تاجر رجسٹرڈ ہوگئے

اسلام آباد: فیڈرل بورڈ آف ریونیو ( ایف بی آر) کی تاجر دوست ایپ میں تاجروں کی رجسٹریشن کا عمل جاری ہے۔

ایف بی آر کے مطابق3 جون تک تاجر دوست ایپ میں 23 ہزار 497 تاجر رجسٹر ہوئے ہیں، سب سے زیادہ لاہور سے تعلق رکھنے والے تاجروں نے  ایپ میں رجسٹریشن کروائی جن کی تعداد 7 ہزار 297 ریکارڈ کی گئی۔

ایف بی آر کا بتانا ہےکہ کراچی سے 5 ہزار 599، راولپنڈی سے 3 ہزار67 تاجر رجسٹر ہوئے جب کہ اسلام آباد سے 2 ہزار 153، پشاور سے 2 ہزار37، کوئٹہ سے ایک ہزار 317 اور دیگر شہروں سے 2027 تاجر رجسٹر ہوئے۔

ایف بی آر کے  مطابق ملک کے 6 بڑے شہروں سے 21 ہزار 470 تاجر رجسٹرہوئے۔