ایس آئی ایف سی کے قیام سے ملک میں 70 ارب کی غیر ملکی سرمایہ کاری متوقع

آرمی چیف جنر ل عاصم منیر کی کاروباری شخصیات سے ملاقاتوں اور  اسپیشل انویسٹمنٹ فیسلیٹیشن کونسل (ایس آئی ایف سی) کے قیام کے بعد پاکستان میں 70 ارب ڈالر کی غیر ملکی سرمایہ کاری متوقع ہے۔

کاروباری طبقے نے اس امکان کو ملک کے لیے مثبت اور خوش آئند قرار  دیتے ہوئے کہا کہ  آرمی چیف سے کاروباری طبقے کی ملاقاتوں اور اسپیشل انویسٹمنٹ فیسلیٹیشن کونسل قائم ہونے کے بعد پاکستان میں جلد ہی  70 ارب ڈالر کی غیر ملکی سرمایہ کاری متوقع ہے جس سے معیشت ٹریک پر چڑھ جائے گی۔

کاروباری برادری کا کہنا ہے کہ ڈالر کی قیمت میں کمی کی طرح بجلی اور  پیٹرولیم کی قیمتوں میں کمی کے لیے فوری اقدامات اٹھائے جائیں۔

کاروباری طبقے کا کہنا ہے کہ اسپیشل انویسٹمنٹ فیسلیٹیشن کونسل کے تحت بڑے پیمانے پر غیر ملکی سرمایہ کاری آنے سے ملک میں لاکھوں افراد کو نہ صرف روزگار ملے گا بلکہ زرمبادلہ ذخائر میں بھی اضافہ ہوگا۔