اردوان نے سعودی ولی عہد کو ترکی کی تیار کردہ الیکٹرک کار تحفے میں دے دی

ترکیہ کے صدر رجب طیب اردوان نے سعودی فرمانروا شاہ سلمان اور ولی عہد و وزیراعظم محمد بن سلمان کو مقامی طور پر تیار کردہ جدید الیکٹرک گاڑیاں تحفے میں دے دیں۔

گزشتہ روز ترک صدر خلیجی ممالک کے 3 روزہ دورے پر سعودی عرب پہنچے تھے جہاں انہوں نے جدہ میں سعودی ولی عہد محمد بن سلمان اور دیگر حکام سے ملاقاتیں کی۔

دورے میں ترک صدر نے شاہ سلمان اور ولی عہد محمد بن سلمان کو ترکیہ کی مقامی طور پر تیار کردہ 2 الیکٹرک گاڑیاں تحفے میں دیں۔

سعودی ولی عہد نے طیب اردوان کو الیکٹرک گاڑی میں بیٹھا کر ٹیسٹ ڈرائیو لی اور تحفے پر مہمان کا شکریہ ادا کیا۔

Leave a Reply

Your email address will not be published. Required fields are marked *