چیمپئنز ٹرافی: پاکستان اپنے فیوژن ماڈل پر قائم، اسی ہفتے فیصلے کا امکان
لاہور: چیمپئنز ٹرافی کا معاملہ تاحال حتمی فیصلے پر نہیں پہنچ سکا ہے۔
ذرائع کے مطابق چیمپئنز ٹرافی کے حوالے سے مذاکراتی عمل جاری ہے جس کے لیے پی سی بی کے اعلیٰ عہدیداران دبئی میں موجود ہیں اور مذاکراتی عمل کا حصہ ہیں۔
ذرائع کا کہنا ہےکہ پی سی بی ایگزیکٹو کی سطح پر آئی سی سی سے بات چیت جاری رکھے ہوئے ہے اورپاکستان اپنے فیوژن ماڈل سے پیچھے نہیں ہٹا ہے۔
ذرائع نے بتایا کہ پی سی بی کے ٹاپ آفیشل کی مشاورت اور احکامات کی روشنی میں مذاکرات کیے جارہے ہیں، چیمپئنز ٹرافی سے متعلق اسی ہفتے فیصلہ ہونے کا قوی امکان ہے۔
واضح رہےکہ چیمپئنزٹرافی کے شیڈول کا فیصلہ نہ ہونے سے کئی معاملات تاخیر کا شکار ہو چکے ہیں۔